Солтүстік Қазақстан полицейлері телевизия саласының қыр-сырымен танысты

Солтүстік Қазақстан полицейлері телевизия саласының қыр-сырымен танысты

Өңірде ерекше еңбегімен көзге түскен бір топ тәртіп сақшысына бұқаралық ақпарат құралдарының жұмыс орнына арнайы экскурсия ұйымдастырылды.

Полиция қызметкерлері бұл жолы қолдарына микрофон алып, өздерін журналистика саласында сынап көрді. «Хабар» арнасының Солтүстік Қазақстан облысындағы тілшілер қосынында болған сала мамандары жылжымалы телевизиялық станцияның жұмысымен танысты. Айта кету керек, мұндай медиа-тур аймақта алғаш рет ұйымдастырылып отыр.

Жанат Сұлтанов, СҚО ІІД ЖПП батальоны командирінің орынбасары:

– Бүкіл ақпарат саласының қызметкерлері полиция қызметкерлерімен қылмыстың алдын алу, профилактикалық жұмыста бірдей қызмет атқарады. Осының бәрі телевизия, радио арқылы жеткізіледі. Шара арқылы балалар мен нашақорлар арасындағы қылмыстардың алдын аламыз. Бұның пайдасы мол. Және жасалған жұмыстарды электронды жүйе арқылы да жеткіземіз.