17:00 Әрі қарай эфирде: ҚР Әнұраны
+7 (7172) 757 540
astananews@khabar.kz

Елорданың 20 жылдығы қарсаңында аттылар еліміздің көрікті жерлеріне сапарлайды

    Сейсенбі, 12 Маусым 2018 19:14

Елордамыздың 20 жылдығына арналған шаралар күннен-күнге көбейіп келеді. Бір топ азамат енді еліміздің көрікті жерлеріне атпен сапарламақ. 10 адамнан құралған белсенділерді бүгін Астана маңында әкімшілік қызметкерлері мен ақсақалдар батасын беріп, шығарып салды.

Аттылардың ішінде венгриялық қос азамат та бар. Олар бірінші «Бұйратау» мемлекеттік ұлттық саябағына барады. Одан кейін Баянауыл, соңғы бағыт – Қарақаралы. Бас-аяғы 600 шақырым жерді екі аптаның ішінде жүріп шықпақ.

«Ер азығы мен бөрі азығы жолда» деген. Көбінесе далада палаткада түнеп, ас-суын ішеді. Одан қалды ауылдарға да ат шалдырып, дем алады. Жыл сайын ұйымдастырылатын ат экспедициясына сіз де қатыса аласыз. Ол үшін қалалық Мәдениет және спорт басқармасына хабарлассаңыз болады.

Айдос Нұрақышев, қала тұрғыны:

- Біріншіден, дала маршруты ептеп бізге белгілі. Ауылдарға жетсек, ауылдарға сұранамыз. Енді ел бәрі шамасы келгенше қамқорлық көрсетеді. Болмаса, палаткаларымыз бар. Далаға үйімізді тігіп, сол жерде қосымызды далаға түнеп, ары қарай апарға шығамыз қатысамын. Көрем, болам деген адамдарға есігіміз ашық, қош келдіңіздер!

Шымкентте Астананың 20 жылдығына орай жаңа форматтағы жұмыспен қамту орталығы ашылды

    Сейсенбі, 12 Маусым 2018 08:45

Шымкентте Астананың 20 жылдығы мерейтойына орай жаңа форматтағы жұмыспен қамту орталығы ашылды. Мұнда «Бір терезе» қағидасы бойынша қызмет көрсету үшін бірнеше мекеме топтастырылған. Орталықтың ерекшелігі шаһардағы жұмыссыз және әлеуметтік жағынан аз қамтылған отбасылар, жазасын өтеген адамдар мен мүмкіндігі шектеулі жандарды тұрақты жұмыспен қамту басты назарда.

Айта кетейік, жыл басынан бері қала халқының 3 мыңнан астамы тұрақты жұмыспен қамтылыпты. Ал 1 154 түлек жастар тәжірибесіне жолдама алған. Сондай-ақ бұл халықты жұмыспен қамту орталығы толығымен цифрлық форматта жұмыс істейтін болады. Атап айтқанда, «Электронды анықтама», «Өз-өзіне қызмет көрсету аймағы», «Call орталық» және «Цифрлы кабинет» қызметтері бар.

Ержан Серікбаев, қалалық жұмыспен қамту орталығының директоры:

- Негізгі мақсатымыз – біздегі әлеуметтік және жұмыспен қамту мәселесіндегі мекемелерде қызмет көрсету саласын электрондық форматқа өткізу және универсалдық қызмет ұсыну.

Астананың құрдастары елорда күні қарсаңында бас қосты

    Дүйсенбі, 11 Маусым 2018 18:57

Астана – болашақтың қаласы. Осындай атаумен елорда күні қарсаңында Тұңғыш Президент – Елбасы кітапханасында бас қаланың құрдастары бас қосты.

1998 жылы дүниеге келген жастар – бүгінде үздік жоғарғы оқу орындарында оқитын болашақ ғалымдар мен келешегі зор спортшылар. Олар жи

ында бүгінге дейін жеткен жетістіктерімен бөлісіп, бас шаһармен байланысты болашақ жоспарлары жайлы әңгімеледі. Жалпы шараның мазмұны – «Астананың қалыптасуы жастардың өміріне қалай ықпал етті, қандай өзгерістер болды?» деген тақырыпты қамтиды.

Ботагөз Қайыпова, ҚР Тұңғыш Президенті – Елбасының кітапханасы директорының орынбасары:

- Бүгінгі кездесуге қатысып отырған Астананың түлектері өздерінің өмірімен таныстыра отырып, жастарға ерекше бір серпіліс береді деп санаймыз. Себебі әрқайсысы өнерде, ғылымда немесе қоғамдық өмірде болсын, өздерінің қазіргі уақытқа дейін азамат, азаматша ретінде ерекше бір дәрежеге жетті.

Аида Бейісова, студент:

- Менің көзімше Астана кішкентай қаладан үлкен мегаполиске айналды. Астана менің өмірімде өте үлкен орын алады. Мен бұл қалада тудым, өстім және өз өмірімді осы шаһармен байланыстырамын.

Астананың 20 жылдық мерейтойына Атырау облысы ерекше тарту жасамақ

    Дүйсенбі, 11 Маусым 2018 08:22

Ерке Есілдің бойы тағы бір көпірмен толығады. Астананың 20 жылдық мерейтойына Атырау облысы осындай тарту жасамақ. Көпір көрінісі балық пішініне ұқсайды. «Бұл Атырау аймағының тарихын баяндайтын бекіремен байланысты», – дейді құрылысшылар.

Сондай-ақ қолайлығы да назардан тыс қалмаған. Мәселен, жауыннан және күннен қалқалайтын шатыры бар. Құрылыс жұмысы маусым айының соңына дейін аяқталады деп күтілуде. Енді қала тұрғындарына өзен үстінде тұрып тұмса табиғатты тамашалуға мүмкіндік бермек.

Асхат Садуов, «Астана бас жоспары» ҒЗЖИ жанындағы урбанистика орталығы басшысының орынбасары:

- Көпір ерекше дизайнда бой көтереді. Яғни заманауи стильде салынады. Екі жағалаудың арасын біріктіретін көпір сырт көзге бірден оттай басылады. Ол жерде қала тұрғындары мен қонақтары емін-еркін серуендеуіне барлық мүмкіндік жасалады.