22:00 Әрі қарай эфирде: «Тайталас» телесериал
×

Warning

JUser: :_load: Unable to load user with ID: 143
+7 (7172) 757 540
astananews@khabar.kz

18 өзбекстандықты жұмысқа жеккен кәсіпкер қамауға алынды

    Дүйсенбі, 06 Қараша 2017 20:41

Қостанай облысының полиция қызметкерлері шетелдіктердің еңбегін заңсыз пайдаланған кәсіпкерді қамауға алды.

Тергеу барысында оның қол астында 18 Өзбекстан азаматының жұмыс істегені белгілі болды. Олар сәуір айынан бері диірменде жұмыс істеген. Кәсіпкер олардың жеке құжаттарын тартып алып, ақысыз жұмысқа жеккен. Өзбекстан азаматтары көші-қон заңнамасын бұзғаны үшін әкімшілік жауапкершілікке тартылмайды. Себебі олар адам саудасының құрбандары деп танылды және полицейлер мен қоғамдық ұйымдардың қорғауында болады.

Ирина Беженарь, Қостанай облыстық ІІД баспасөз хатшысы: 

– Бұл факт бойынша Қазақстан Республикасы Қылмыстық кодексінің 128-бабының 2-бөлімі, яғни адам саудасы бойынша сотқа дейінгі тергеу амалдары басталды. Кәсіпкердің қылмысы әшкере болса, ол 5 жылдан 7 жылға дейін бас бостандығынан айырылуы мүмкін. Сондай-ақ жеке мүлкі тәркіленеді.

Каспийде шетелдік браконьерлер қолға түсті

    Дүйсенбі, 06 Қараша 2017 20:28

Маңғыстау облысында бір түнде шекара бұзған бірнеше шетел азаматы ұсталды.

Барлығы да Каспий теңізіне бағалы бекіре балығын аулауға шыққан. Әккі браконьерлердің төртеуі – Әзербайжан, қалғаны Дағыстан азаматтары. Түнгі жорықта жүрген заң бұзушыларды «Жағалау күзеті» өңірлік басқармасының қызметкерлері байқап қалған. Қолға түскендердің бір бөлігі Ақтау теңіз порты, қалғаны Баутино порты арқылы Ақтауға жеткізілді. Олардан шапшаң жүретін 2 байда, 110 дана қызыл балық, 2 итбалық және балық аулауға тыйым салынған құралдар тәркіленіп, өздері қамауға алынды.

Ерхат Рафиков, ҚР ҰҚК Шекара қызметі №2201 әскери бөлімі командирінің орынбасары: 

– Олар ешқандай қарулы қарсылық көрсеткен жоқ. Қашып кетпек амалын істеді. Бірақ қашып кетуге олардың шамасы келген жоқ. Қазіргі таңда тергеу амалдары жүріп жатыр. Ол заңды түрде құқық қорғау органдарына жіберіледі. Ары қарай сот шешім қабылдайды.

«Алтынкөл» бекетінде заңсыз тауар тасымалдамақ болған Қырғызстан азаматы ұсталды

    Дүйсенбі, 06 Қараша 2017 20:05

«Алтынкөл» кеден бекетінде кезекті заңсыз тауар тасымалының жолы кесілді.

Қырғызстан азаматы шекарадан жалпы салмағы 19 тоннадан асатын көліктің қосалқы бөлшектерін алып өтпек болған. Тауардың бағасы 12 миллион 383 мың теңгеден асады. Қазір осы дерек бойынша қылмыстық іс қозғалды. 

ШҚО-да қасқырлар қорадағы малға шауып жатыр

    Сәрсенбі, 01 Қараша 2017 20:32

Шығыс Қазақстан облысында қасқырлар қорадағы малға шауып жатыр.

Түз тағысы әсіресе Қатонқарағай, Тарбағатай және Зайсан аудандарында көбейіп кеткен. Мәселен, Қатонқарағай ауданындағы Төрт үй ауылының тұрғындары: «Қасқырлар өрістегі малға бақташының көзінше шабатын болды», – дейді. Бүгінге дейін ауылдағы әрбір үйден 1-2 мал жыртқышқа жем болған. 150-ден астам түтіні бар елді мекен тұрғындары қас қарайғанда үйден шығуға қорқады.

Динара Исінова, ауыл тұрғыны:

- Қазір мал жайылымда  жүрген кезде қасқырлар шауып жатыр. Малшы болса да алып кетеді. Көп болғаны соншалық, малшыларға қарайын деп тұрған жоқ. Қайын апаларым да 2 бастан алып кетті. Қой тұрмақ, ірі қара малға түседі. Бұзау, тайыншалардан айырылып жатыр.

Жергілікті билік қазір қасқырларды ату үшін арнайы авиаотряд жасақтағанын хабарлады. Аңшылар әуелі әуеден бақылау жасап, кейін түз тағысы көп шоғырланған аудандарда атуды бастайды. Жалпы биыл облыс бойынша 346 қасқыр ауланған.

Арман Есентаев, облыстық табиғи ресурстар және табиғатты пайдалану басқармасының бөлім басшысы:

- Бүгіннен тікұшақпен әуеден бақылау рейді басталып кетті. Қазір суық. Қар түскен кезден қар мотоциклімен шығып, рейдтер басталады.