Спорт - "Хабар" телеарнасы
ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК
Жексенбі, 15 Қазан 2017 08:17

Sun Star басылымы әлемнің үздік бокшыларының тізімін жариялады.

Бұл рейтинг түзілерде былғары қолғап шеберлерінің салмақ дәрежесі ескерілмейді (pound-for-pound), деп хабарлайды Sports.kz.

Көш басына орта салмақта WBA (Super), WBC, IBF және IBO тұжырымдары бойынша әлем чемпионы қазақстандық Геннадий Головкин (37-0-1, 33 КО) жайғасқан.

«Андре Уорд аяқ астынан бокстан кеткендігі туралы хабардан соң, GGG бұл тізімде бірінші орынға шықты. Одан қалды Головкин жақында ғана Сауль Альвареспен өткен кездесуді тең аяқтады. Дегенмен көпшілік оның жеңіске жеткеніне сенімді», – деп жазады Sun Star.

Басылымның P4P-рейтингі бойынша алғашқы алтылығы:

1. Геннадий Головкин (37-0-1, 33 КО)

2. Теренс Кроуфорд (32-0, 23 КО)

3. Сауль Альварес (49-1-2, 34 КО)

4. Василий Ломаченко (9-1, 7 КО)

5. Висаксил Вангек (44-4-1, 40 КО)

6. Майки Гарсия (37-0, 30 КО). 

Сенбі, 14 Қазан 2017 23:31

Қазақстандық боксшы Бекман Сойлыбаев пен мексикалық Фернандо Варгас жекпе-жекке бір апта қалғанда салмақ өлшеу рәсімін өткізді.

Екі боксшы да екінші жартылай жеңіл салмақтың талабын орындады.

Қазанның 20-сы күні Астана уақытымен таңертең қазақстандық Бекман Сойлыбаев Лас-Вегаста өтетін Golden Boy Promotion жекпе-жек кешінде екінші жартылай жеңіл салмақ дәрежесіндегі WBC International чемпиондық белбеуін қорғайтын болады. Қарсыласы кәсіпқой бокста 47 айқас өткізіп, соның 32-інде жеңіске жеткен мексикалық Фернандо Варгас.

Естеріңізге сала кетейік, екінші жартылай жеңіл салмақ дәрежесінің лимиті – 130 фунт, яғни 58,9 келі. Бекманның салмағы тура осынша келіні көрсетті. Ал Варгасқа айқасқа дейін әлі де бір келі тастау қажет. Оның салмағы 60 келі.

Жалпы бүгінде Бекман Лос-Анджелесте Эрик Браунның қарамағында жаттығуда. Бұл оның кәсіпқой шаршы алаңдағы 12-ші жекпе-жегі болмақ. Бұған дейінгілердің барлығында жеңіске жетіп, оның төртеуінде қарсыласын нокаутқа түсірген.

Ақпарат көзі: diamondring.kz

Сенбі, 14 Қазан 2017 19:29

Ашхабадтағы жабық кешендегі Азия ойындарының жеңімпазы Иван Иванов жаңа жылға дейін Португалия астанасы Лиссабонда жаттығатын болды.

Қазіргі кезде Григорий Егоров бастаған ұлттық құрама мүшелері Түркияның Белек қаласында ағзаны қайта қалыпқа келтіруге арналған оқу-жаттығу жиындарын өткізіп жатыр. Олардың арасында 25 жастағы ядро серпуші Иван Иванов жоқ.

Өйткені Иван басқаша таңдау жасады. Отандасымыз Португалия астанасында кешегі Кеңес Одағынан шыққан жаттықтырушы Владимир Зинченконың тобында жаттығатын болады. Қазақстандық спортшы Лиссабонға бұған дейін де бірнеше барып дайындалған еді. Жыл басында Пиреней түбегінде 2 ай дайындалып, сәуірде оралды.

Зинченконың тобында ядроны 20 метрден асырып лақтыратын бірнеше спортшы бар екен. Мысалы биылғы жылы тамыз айында Тайпэйдегі Универсиада ойындарының жеңімпазы Франтишку Белу дәл осы жерде дайындалып жүр. Ол Универсиада ойындарында ядроны 20, 86 метрге лақтырған болатын.

Жаңа жылға дейін жерлесіміз Зинченконың қарамағында үш жаттығу жиындарын өткізеді. Ивановты Алматы облысының спорт және дене шынықтыру басқармасы қаржыландырады. Ал үшінші оқу-жаттығу жиынының шығынын ҚР Жеңіл атлетика федерациясы өз мойнына алып отыр.

Айта кетейік, 2017 жыл Иванов үшін сәтті болды. Алдымен шілде айында Үндістандағы Азия чемпионатында қола жүлдеге ие болды. Қыркүйекте Ашхабадтағы жабық кешендегі Азия ойындарында топ жарды. Сонымен қатар Түрікменстанда осы ойындардың рекордын жаңартты – 19.60 метр.

Ақпарат көзі: qsport.kz

Қазақстан және әлем жаңалықтары

Календарь

Әлеуметтік желілер

  1. TW
  2. FB
  3. BK

Приложение Хабар для iOS Приложение Хабар для Андроид

Хабар 24 Телеканал Kazakh TV  Телеканал ЕЛАРНА

яндекс.ћетрика

 Тумар EXPO 2017 Акорда Электронное правительство Казахстана

© 2017 «Хабар» агенттігі. Барлық құқықтары қорғалған.