ҚАЗАҚСТАННЫҢ ҮШІНШІ ЖАҢҒЫРУЫ: ЖАҺАНДЫҚ БӘСЕКЕГЕ ҚАБІЛЕТТІЛІК

WBC жылдың үздік боксшысын анықтау үшін дауыс беруді бастады

    Бейсенбі, 07 Желтоқсан 2017 12:12
Vesti.kz

Бүкіләлемдік бокс кеңесі (WBC) өзінің ресми сайтында жылдың үздік боксшысы мен жылдың үздік жекпе-жегін анықтау үшін дауыс беруді бастады.

«Үздік боксшы» атағына үміткерлер қатарына алты боксшы таңдалған. Олар – қазақстандық Геннадий Головкин, тай Срисакет Сор Рунгвисаи, америкалық боксшылар Майки Гарсия, Теренс Кроуфорд, Джермелл Чарло мен Деонтей Уайлдер бар.

Сонымен қатар 2017 жылдың «Үздік жекпе-жегі» атағына үміткерлер де белгілі. Олардың қатарында қыркүйек айында Лас-Вегаста өткен Головкин мен «Канело» кездесуі де бар.

Өз дауысыңызды WBC ресми сайтынан, яғни мына сілтемеге өту арқылы бере аласыздар.

Ақпарат көзі: Vesti.kz

Зульфия Габидуллина Мексикадағы әлем чемпионатынан алтын алды

    Бейсенбі, 07 Желтоқсан 2017 11:40
vesti.kz

Мексикада өтіп жатқан Дүниежүзілік паралимпиадада қанжығаны алтынға майлаған жерлесіміз, 50 метрлік қашықтықта еркін жүзуден қарсылас шақ келтірмеді.

Одан өзге де жерлестеріміз жеңісті орындардан көрініп жатыр. Естеріңізге сала кетейік, Мексикада Әлем чемпионаты 2 желтоқсанда басталған еді. Дәл қазір ел қоржынында 2 алтын, 3 күміс және 1 қола медаль бар.

Иван Дычко келесі кездесуін 39 жастағы мексикалық боксшыға қарсы өткізеді

    Сәрсенбі, 06 Желтоқсан 2017 15:21
alau.kz

Қазақстандық кәсіпқой боксшы Иван Дычко (2-0, 2 КО) келесі кездесуін 8 желтоқсан күні АҚШ-тың Флорида штатында өткізетін болды.

Отандасымыздың қарсыласы – 39 жастағы Карлос Сандоваль. Жекпе-жек алты раундқа жоспарланып отыр.

Мексикалық боксшы осы уақытқа дейін кәсіпқой бокс шаршы алаңында 25 кездесу өткізіп, 10 кездесуде жеңіске жетсе, 14 кездесуде жеңілген. Бір рет қарсыласымен тең түскен. Соңғы рет ол шаршы алаңға 3 қараша күні шығып, Росарио Эскалантеден айласын асырды.

Ал 27 жастағы қазақстандық былғары қолғап шебері кәсіпқой бокста екі кездесу өткізіп, екеуінде де жеңіске жетті.

Ақпарат көзі: vesti.kz

Хоккейден Қазақстан жастар құрамасы Италияны ойсырата ұтты

    Сәрсенбі, 06 Желтоқсан 2017 13:22

Әлем чемпионатына дайындық ретінде өткізілген жолдастық кездесу 0:7 есебімен аяқталды.

Бүгін тағы да қарымта ойын сол Италия құрамасына қарсы өтеді. Осылайша жастар құрамасы кез келген сынға сақадай сай екендігін көрсетіп отыр.

Айта кетейік, Әлем чемпионаты желтоқсан айының 10-ы мен 20-сы аралығында өтеді.