08:00Сейчас в эфире: Профессиональный бокс. Шакур Стивенсон – Джеремия Накатила. Прямая трансляция из США
10:30Далее в эфире: Премьера! «Хронограф 2021»
+7 (7172) 757 540
astananews@khabar.kz

Құдайберген Пернебайұлы

Құдайберген Пернебайұлы

Пернебайұлы Құдайберген 1919 жылы Шымкент облысындығы Түркістан ауданына қарасты №21 ауылда кедей шаруаның отбасында дүниеге келді. 1939 жылы Совет Армиясы қатарына шақырылады.

Құдайберген Пернебайұлы 1941 жылы қараша айында төрт рет арыз жазып, сұранып, өз еркімен Ұлы Отанды жаудан қорғау үшін майданға аттанады. Воронеж қаласында бір жылдан астам уақыт соғыс өнерін үйреніп, әдіс-тәсілдеріне жаттығады. Тарихта теңдесі жоқ Ұлы шайқас – Сталинград майданында соғысады. Днепр өзенін алудағы қиян-кескі ұрыста өзінің батылдығымен, табандылығымен көзге түседі. Ленин партиясының қатарына өтеді. 1943 жылдың қыркүйек айында барлаушылық қызметте жүріп, неміс-фашистерінің бірнеше жауынгерін қолға түсіреді. Осы жолы ауыр жарақат алып, госпитальға түседі. 1945 жылы армия қатарынан босатылып, елге оралады. 

Ұлы Отан соғысы кезіндегі ерлігі мен батылдығын бағалап, «Майдандағы жауынгерлік ерлігі үшін», «Ерлігі үшін», «Сталинградты қорғағаны үшін» медальдарына ие болған.

Елге оралғаннан кейін «Ленин жолы» колхозында сушы болып істейді. Елдегі ауыр тұрмыс пен қиыншылықтарды жеңу үшін іске кіріседі. 1948 жылы осы колхоздың правление бастығы болып сайланып, 1982 жылы құрметті еңбек демалысына шыққанға дейін осы қызметті абыроймен атқарады.

Құдайберген Пернебайұлы кейін күйреген шаруашылықты қалпына келтіру жолында колхоз шаруашылығын дамытуда өз үлесін қосты. 

1949 жылы Қ. Пернебайұлы Ворошилов колхозын басқарғаннан бастап мақта өнімділігі 5-7 центнерден 18 центнерге дейін артқан. Колхоз шаруашылығы жоспарды артығымен орындап, облыс, республика, одақ көлеміне белгілі болды. Бұған дейін III Интернациналь колхозы 4 миллион, Соцқұрылыс колхозы 6 миллион қарызымен Ворошилов колхозына біріктірілді және қарыздары өтелді. Бүкілодақтық Халық шаруашылығы жетістіктері көрмесінің 4 бірдей алтын, күміс, қола медальдарымен наградталған.

«Қазақстанда тың жерлерді игерудің 25 жылдығы» құрметіне арналған омырауға тағатын белгімен наградталған.

Бейбіт күндегі еңбегі үшін «Ленин», «Еңбек Қызыл Ту», «Құрмет белгісі» ордендерімен, Қазақ ССР Жоғарғы Советі Президиумының Құрмет грамоталарымен наградталған.  

Пернебайұлы Құдайберген бірнеше рет облыс және аудандық кеңестердің депутаты болып сайланған.

Смотрите также

Новости партнеров