Агенттік

Арнамыздың тілшілер қосындары Берлин, Бейжің, Брюссель, Вашингтон, Мәскеу, Сеул, Ташкент, Анкара мен Парижде табысты жұмыс істеп тұр.

«Хабар» Агенттігі қашан да көрермендері үшін әлемнің басқа елдерінде не болып жатқаны туралы ақпарат алудың маңыздылығын жақсы түсініп, алғашқы күннен-ақ халықаралық жаңалықтарды дер кезінде ұсынып тұруға аса көп көңіл аударып келеді. «Хабардың» шетелдегі өкілдіктерінде еңбек ететін журналистер – шет тілдерді жетік меңгерген білікті мамандар. Олар жасаған қызықты сюжеттер көрерменге оқиға орнында болып қайтқандай ерекше әсер береді.

Тәуелсіздік жылдары Қазақстан халықаралық аренадан берік орын алып, көптеген әлемдік үдерістерге белсенді қатысып келеді. Еліміздің жылдан-жылға өсіп келе жатқан биік беделі мен ғаламдық проблемаларды шешудегі ролі, Қазақстанның әртүрлі халықаралық мәселелерге қатысты ұстанымы, сондай-ақ қазақ елі жайлы шетелдіктердің не ойлайтыны, оны қалай қабылдайтыны туралы да тілшілеріміздің сюжеттерінен біле аласыздар.

«Хабар» тілшілері арнаның рейтингін өсіру үшін жеңіл жолдар таңдамай, мемлекеттік маңызы бар оқиғаларды іздеп табады. Камераларымыз отандастарымыздың өміріне тікелей қатысты оқиғаларға бағытталған. Біз әлемнің ең ірі ақпараттық агенттіктері желілерімен бәсекелесе алатын ауқымды тілшілер желісін құрдық. Қаламгерлік дарын, өз ісіне деген жауапкершілік және тәулік бойы тыным таппай еңбек етуге деген құлшыныс – біздің журналистеріміздің негізгі ұстанымы және компаниямыздың табысты жұмысының басты кепілі.

Бізбен байланыс:

010000, Астана қаласы, Қонаев көшесі, 4 үй, «Қазмедиа орталығы», +7 (7172) 757 504

Құжаттамалық қамтамасыз ету бөлімі (Канцелярия): +7 (7172) 757 575, Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.

Бүгінде «Хабар» – қазақ, орыс және ағылшын тілдерінде хабар тарататын «Хабар», тәулік бойы жұмыс істейтін ақпараттық телеарна «24KZ» және киноканал «El arna» деген үш арнаның телеотбасысы.

«Хабар» телеарнасы Қазақстан Республикасының заманауи медиа кеңістігінде халыққа қоғамда орын алған жайттар туралы жаңалықтар мен сараптамалық бағдарламаларды үздіксіз әрі жедел ұсынатын ақпараттық-телевизиялық агенттік болып табылады.

«Хабар» тарихы 1995 жылдан басталады. Сол кездегі Қазақ телеарнасының ақпараттық қызметі негізінде «Хабар» Ұлттық Телевизиялық Ақпараттық Агенттігі құрылады. 2013 жылы телеарна жаңа 16:9 кең экранды форматқа көшті. Жаңалықтар мен бағдарламалар эфирге астаналық «Қазмедиа орталығы» телерадиокешенінен шығады. 

Бүгінгі медиакеңістіктегі «Хабар» телеарнасы – саяси, әлеуметтік-мәдени құндылықтар мен дәстүр көпірі іспетті. 28 жылдық тарихында мемлекеттік ақпарат саясатының ең сенімді қайнаркөзі атауына ие болды. «Хабар» арнасы қазақ және орыс тілінде ондаған телехикаялар ұсынуда. Ортатәуліктік эфир тізбегінде арнаның өз өнімдерімен қатар серіктестерінің дайындаған жобалары, көркем және деректі фильмдер бар. «Хабар» арнасы дәстүрлі түрде Олимпиада ойындары, Әлем Чемпионаттары және т.б. әлемдік деңгейдегі спорт шараларының тікелей көрсетілімдерін ұйымдастырады. Ал техникалық және шығармашылық қордың арқасында еліміздің әр өңірінен маңызды саяси, мәдени және спорттық шараларды көрсетуге мүмкіндігі бар.

Әр жаңа телемаусымда біздің арна жаңа жобаларға дайын. Қазақстан мен әлемнің ең өзекті жаңалықтары «Жеті күн», «Талқы», «Итоги дня» ақпараттық-сараптамалық бағдарламаларында көрсетіледі. Азаматтардың әлеуметтік мәселелері көтеріліп, «Бізге хабарласқан», «В фокусе» және «Отдел журналистских расследований» сияқты жобаларда өз шешімін табуда. 

«Хабар» телеарнасы маңызды оқиғалар, атаулы күндер, сондай-ақ баға жетпес еңбегі қазақ халқының өмірінде орасан зор рөл атқарған тұлғалар туралы деректі фильмдер түсіреді. Мысалы, «Абайдың соңғы күндері» деректі фильмінің түсірілім тобының сапасы мен кәсібилігін «Тұмар» республикалық сыйлығының қазылар алқасының кәсіби құрамы жоғары бағалады.

Арна жыл сайын отбасы ішінде үйлесімді қарым-қатынас орнату, дәстүрлер мен әдет-ғұрыптарды сақтау, патриотизм, ұрпақтар арасындағы қарым-қатынас және басқа да жалпыадамзаттық құндылықтар сияқты қызықты тақырыптарды көтеретін әртүрлі жанрдағы сериалдар шығарумен айналысады. «Келінжан» телехикаясы көрермендердің қызығушылығын тудырды, бұған YouTube-тегі көпмилионды қаралым мен пікір айтулар дәлел. Нәтижесінде Қазақстанның барлық кинотеатрларында, сондай-ақ Қырғызстан аумағында прокатта сериал негізінде түсірілген «Келінжан» толықметражды фильмі көрсетілді. 2023 жылы ҚР Ақпарат және қоғамдық даму министрлігінің қолдауымен алғаш рет «Наурыз-2023» отандық сериалдар сыйлығы өтті, онда «Келінжан» сериалы бірнеше номинация бойынша үздік деп танылды.

«Хабар» телеарнасы – қазақстандық медиа кеңістіктің ажырамас бөлігі. Миллиондаған көрерменнің сұранысын қанағаттандыру үшін қызмет етеді.

2012 жылы 1 қыркүйекте Қазақстандағы тәулік бойы жұмыс істейтін тұңғыш ақпараттық арна - «24KZ» өз жұмысын бастады, ал 2016 жылдың 1 қыркүйегінен ол «Хабар 24» деген жаңа атаумен эфирге шықты. Құрылғанынан бастап «Хабар» Агенттігі» АҚ құрамындағы «24KZ» арнасының атын ауыстыру – Агенттікті қайта жаңғырту аясындағы шаралардың бірі. Арна эфирінде сапалы сараптамалық бағдарламалардың қатары ұлғайып, репортаж жанрындағы бағдарламалардың үлесі артты, сондай-ақ аймақтардың тыныс-тіршілігі туралы жобалар көбейді. Жаңалықтардың жаршысы болып табылатын арнаның дәстүрлі айдарлары: экономикалық, спорттық және халықаралық шолулар, баспасөзге шолу, арнайы авторлық репортаждар мен көптеген басқа да салалардың саны артты.

Арна Қазақстандағы ақпараттық арналардың ішінде аймақтық және халықаралық тілшілер қосынының көптігімен ерекшеленеді. «24KZ» телеарнасының эфирінде 100% отандық өндірушілердің жобасы көрсетіледі, оның ішінде, ақпараттық-танымдық және сараптамалықтар бағдарламалар көп. Телеарна аудиториясын 25 жастан асқан көрермендер құрайды. «Хабар» агенттігі «24KZ» арнасымен бірге Euronews Network-тің серіктесі болып табылады. Бұл екеуара жаңалықтар контентімен алмасып, еуропалық әріптестердің шеберлік сыныптарына қатысуға мүмкіндік береді.

Аймақтық тілшілер қосыны:

Ақтау, Ақтөбе, Атырау, Жезқазған, Қарағанды, Көкшетау, Қонаев, Қостанай, Қызылорда, Павлодар, Петропавл, Семей, Талдықорған, Тараз, Орал, Өскемен, Шымкент, Түркістан.

Халықаралық тілшілер қосыны:

АҚШ, Бельгия, Германия, Түркия, Ресей, Қытай, Оңтүстік Корея, Өзбекстан, Франция.

Хабарласу үшін: 010000, Астана қаласы, Қонаев көшесі, 4 үй

«24KZ» телеарнасының жаңалықтар бөлімі: +7 (7172) 757-485

«24KZ» телеарнасының бағдарламалар бөлімі: +7 (7172) 757-647

Коммерциялық дирекция +7 (7172) 757-556