«Мен Қазақстанды және қазақстандықтарды не үшін жақсы көремін». Тыныс
Фильмде ауруханада коронавирусқа шалдыққан науқастардың ауыр жағдайы көрсетіледі. Сонымен қатар ауруға шалдыққандарға ем-дом жасап жүрген дәрігерлермен бірге оларға көмек көрсеткен абзал жандардың еңбегі де назардан тыс қалмайды.
Фильмде медицина және техникалық газдар шығаратын Шымкенттегі AirGaz зауыты ұжымы жайында шынайы оқиғаны баяндайды. Адами ресурс пен жұмыс күшінің жетіспеушілігіне бой бермей, жабдықтар мен қосалқы бөлшектердің жоспардан тыс тозуына қарамастан пандемия басталғаннан бері криогенді зауыт Шымкент, Түркістан және Қызылорда облыстарының ауруханаларын медициналық оттегімен үздіксіз және тәулік бойы қамтамасыз етіп келді.