Хабар телеарнасы

Елордада мәдениет саласының үздіктері бас қосты

Елордада мәдениет саласының үздіктері бас қосты

Интерактивті жұмыс, кітапханаға оқырмандарды тарту, мәдени кешендердің көрерменін арттырудың тың тәсілін тапқан үздік мамандар елордада бас қосты. Олар «Рухани қазына-2023» фестиваліне қатысып, жетістіктерімен бөлісті. Мемлекеттік мұражай, кітапханалар және мәдени-демалыс ұйымдарының 200 жуық мәдениет қызметкерлері өз тәжірибелері мен жаңашылдықтарын ортаға салды. Жеңімпаздар ақшалай сыйлықтармен марапатталды.

Айта кетейік биыл кітапхана қызметшілері мен архив ісі мамандарының жалақысы 20% өсті. 2027 жылға дейін оны екі есе арттыру жоспарланған. Президент тапсырмасына сәйкес 2025 жылға дейін мәдениет және мұрағат ұйымдары қызметкерлерінің жалақысы кезең-кезеңмен өседі. Сонымен қатар сала мамандарының әлеуметтік жағдайын жақсарту да басты назарда. 

Жеңіс Сейдолла, қазылар алқасының мүшесі: 
- Жыл сайын белгілі бір дәрежеде өз биіктерін алып келуде. Бұл жобаны біз қолдау деп білеміз. Нақтырақ шалғай жатқан ауыл, аудандардағы мәдениет сарайларының жұмыстарымен жетістіктерін тамашалап, бір қуанып қалдық.