Хабар телеарнасы

«Хабар» тапсырысымен Наурыз мерекесіне орай «Жаңа күн» бейнеклипі түсірілді

Ұлыстың ұлы күні қарсаңында «Хабар» арнасы көрерменіне «Жаңа күн» атты жаңа бейнебаян ұсынады!

Көз қуантып, көңіл сүйсінетін клипке Наурыз көжеге жеті түрлі дәм қосылатыны сияқты жеті түрлі бағыттың әншілері жұмылдырылған. Опера бұлбұлынан бастап эстрадамыздың деңгейін халықаралық ән додаларында көрсетіп жүрген өнер жұлдыздары бой көрсететін заманауи үлгідегі туынды көзі қарақты көрерменнің көңілінен шығады деген ойдамыз.

Ақ ниетпен өткенге салауат айтып, ақ тілекпен жаңа Наурызды қарсы алайық! Отанымызға береке, халқымызға игілік, мемлекетімізге молшылық, ал әр шаңыраққа бақыт пен шаттық тілейміз!

«Жаңа күн» мерекелік бейнеклипі

Сөзі: Камила Дайырова

Әні: Сырым Нәбиқұлов