«Хабар» агенттігіне – 30 жыл!

30.10.2025, 16:37

Биыл «Хабар» агенттігіне 30 жыл толды. Осыған орай агенттіктің қалыптасуы мен дамуына үлес қосқан мамандар мен ардагерлер марапатталды. «Хабар» агенттігі 1995 жылы құрылды. Сол күннен бастап елдің даму жолын, халық тынысын, уақыттың үнін үздіксіз жеткізіп келеді. Бүгінде 1000-ға жуық қызметкер еңбек етеді, деп хабарлайды qazaqstan.tv

Данияр Меңілбеков, «Хабар» агенттігі» АҚ басқарма төрағасының орынбасары:

Бұл 30 жыл тарихи тұрғыдан қараған көзді ашып-жұмғандай сәт сияқты. Ал шын мәнінде отандық медиакеңістіктің, телевизияның дамуы үшін үлкен бір белес болды. Бұл тек «Хабар» агенттігінің жеке мерекесі емес. Бүкіл отандық медианың, отандық телевизияның ортақ мерекесі деп білемін.