Алдағы үш тәулікте елімізде күн аязды болады

«Қазгидромет» мамандарының болжауынша, ауаның температурасы қалыпты деңгейден - 2, - 4 градусқа төмен. Тек республиканың оңтүстігінде сынап бағанасы жоғарылайды. Сол себепті күнгей өңірлерде жаңбыр жауып, тұман тұтып, көктайғақ болуы мүмкін. Ал елордада аязды күндер әлі де сақталады.

«Астана қаласы бойынша үш тәулікте жауын-шашынсыз ауа райы болады. Түнде 19 градустан 25 градусқа дейін, ал күндіз 13 градустан 15 градусқа дейін төмендейді. Алматы қаласы бойынша келесі үш күн бойы жауын-шашынсыз ауа райы болады. Түнде тұман күтіледі», – деді «Қазгидромет» РМК инженер-синоптигі Сәуле Смағұлова.