«Титан» суасты аппаратының қалдықтары табылды. Мамандардың сөзінше, батискафтың сынықтары арасында адам денесінің бөлшектері болуы мүмкін. Жарылып кеткен суасты көлігінің қалдықтары кранның көмегімен көтеріліп, Сент-Джонс айлағындағы жүк көлігіне тиелді. Апатты жан-жақты зерттеу үшін бұл қалдықтардың маңызы зор. Сүңгуір қайықтың бортында болған 5 адам қаза тапқан. Олар 3 мың 800 метр тереңде жатқан «Титаник» кемесін көруге аттанған еді. Мұхиттың түбіне түскен соң 2 сағаттай уақыт өткенде батискафпен байланыс үзілді. Іздеу операциясы кезінде оның корпусы мен артқы жағының бөлшектері ғана табылған.
