Алдағы үш жылда Жетісу облысындағы қант қызылшасының алқабы үш есеге ұлғайтылып, 15 мың гектарға жетеді. Тәтті түбір мен қамыс құрағын өңдеу арқылы 525 мың тонна қант өндірілмек. Бұл туралы Премьер-Министр Жетісу облысына жұмыс сапарында айтты. Әлихан Смайылов өңірдің экономикалық даму барысымен танысып, шаруалармен кездесті. Олар дәнді-дақыл тұқымына берілетін субсидияны көбейтуді сұрады. Сонымен қатар кездесуде коммуналдық мәселе көтерілді. Мәселен, биыл Талдықорғанда 13 рет жылу жүйесі жарылған. Апат санының артуына құбырдың 65% ескіруі, «Басқуат» қазандығының 85% тозуы себеп.
Әлихан Смайылов, ҚР Премьер-Министрі:-Республика тарапынан қолдау көрсетпесек мұндай үлкен жоба іске аспай қалады. Ол бір шетінен тарифтің есебінен болады. Екінші жергілікті бюджет есебінен үшіншіден республикалық бюджет есебінен қолдау көрсетілетін болады.
