Қазақстан мен Біріккен Араб Әмірліктері ақша жылыстату мен терроризмді қаржыландыруға қатысты күресті нығайтады. Бұл туралы Қаржылық мониторинг агенттігінде өткен жиында белгілі болды.
Мұнда БАӘ-нен келген делегациямен кездесу өтті. Тараптар қылмыстық жолмен алынған кірістерді заңдастыру және есірткі айналымына қарсы іс-қимыл мен заңсыз шығарылған капиталды қайтару мәселелерін талқылады. Сондай-ақ кездесуде ұлттық тәуекелдерді бағалау процестерін цифрландыру, виртуалды активтерді заңсыз пайдалануды анықтау әдістері туралы пікір алысты. Бұл саладағы қазақстандық мамандардың кәсіби деңгейін арттыру жөнінде уағдаласты. Тараптар өзара іс-қимылды одан әрі дамыту қажеттігін атап өтті.
