Қазақстандық бидайды Нигерияға жеткізу ниетіміз бар. Бұл туралы Премьер-министр Олжас Бектеновтің Нигерия Федеративті Республикасы Ифе Королі Оони Адейейе Энитан Огунвусимен кездесуі кезінде сөз болды. «Орта дәліз арқылы Солтүстік және Батыс Африка нарығына тауар экспорттауға әлеуетіміз жеткілікті», – деді Үкімет басшысы. Екі тарап сауда-экономикалық, инвестициялық, көлік және логистика, энергетика, геологиялық барлау, цифрлық технология саласындағы өзара іс-қимылға назар аударды. Айта кетейік, өткен жылы Қазақстан мен Африка елдері арасындағы жалпы тауар айналымы 15,4%-ке өсіп, 790 млн АҚШ долларына жуықтаған еді.
