Дизайнерлер ұлттық киімді заманға сай ыңғайлап, күнделікті киюге қолайлы үлгісін ұсынған. Мамандар қазақтың қос етек көйлегі, шапаны мен әшекей бұйымы сән әлемінен ойып тұрып орын алатынына сенімді. Жас дизайнер Айзат Байтенованың топтамасында киіз сөмке, твид матадан тігілген заманауи шапан мен қазақтың ұмыт бола бастаған шашқабы бар.
Айзат Байтенова, дизайнер:
-Ұмытылған шашқапты жаңғыртып жатырмыз. Ол кезінде осы біздің қыз-келіншектер, аналарымыз үй жұмысына араласқан кезде, көшпелі өмір салтын жүргізген кезде киіп жүретін. Шаштары күнге күйіп кетпесін деген мақсатта.