Бұл туралы Алматы қаласының прокуратурасы хабарлады. Қадағалаушы орган өкілдері Шәкен Айманов атындағы «Қазақфильм» киностудиясын тексерген. Нәтижесінде аса ірі көлемдегі қаржының қолды болғанын әшкерелеген.
Тергеу-тексеру құпиясына байланысты қай киноның ақшасы және қай уақытта қолды болғаны әзірге айтылмай отыр.
Нұрсұлтан Жиделбай, Алматы қаласы прокуратурасының ресми өкілі:- Алматы қаласының прокуратурасы «Шәкен Айманов атындағы «Қазақфильм» АҚ тексеру қорытындысы бойынша аса ірі көлемде бюджет қаражатын ұрлау фактісі бойынша сотқа дейінгі тергеп-тексеруді бастады. Алдын-ала мәлімет бойынша фильм түсіруге бөлінген 400 млн теңгеден астам қаржының ұрланғаны анықталды. Сотқа дейінгі тергеп-тексеруді, оны экономикалық тергеп-тексеру департаменті жүргізуде.
