Атырау облысы Құрманғазы ауданындағы өрт сөндірілгенімен, қала іргесіндегі Еркінқала елді мекенінен 40 шақырым жерде тағы да қамыс өртенді. Төтенше жағдайлар департаментінің 50-ге жуық қызметкері мен 16 техникасы қызыл жалынды сөндіруге жұмылдырылған. Өрт оқшауландырылды. Ал Құрманғазы ауданында 7 қазан күні басталған қамыс өрті толықтай сөндірілген. Бірақ әр жерде бықсып жатқандықтан, кезекшілік ұйымдастырылған.
Нариман Өтешов, облыстық ТЖД басқармасының бастығы:
-Қазіргі мезгілде әрі қарай жою жұмыстары жүруде. Елді мекендерге қауіп қатері жоқ. Жану оқиға қамыстың жер-жерде болғандықтан, көлемі толықтай өшкеннен кейін комиссия құрамымен анықталады.
