Қырылған құсқа төленетін өтемақы мәселесі Ауыл шаруашылығы министрлігінің бақылауында. Мұны Президенттің қабылдауында болған ведомство басшысы Сапархан Омаров жеткізді.
Министр жыл басынан бері ауыл шаруашылығындағы ішкі өнімнің көлемі 5 процентке артып, 4,4 триллион теңгеге жеткенін, азық-түлік өнімдері 3,5 процентке, яғни 1,4 триллион теңгеге дейін ұлғайғанын хабарлады.
Кездесу соңында Қасым-Жомарт Тоқаев министрге қайта өңделген өнім экспорты мен еңбек өнімділігін арттыруға, отандық тауарлар үшін жаңа нарықтар ашуға және ветеринария саласындағы бақылауды күшейтуді тапсырды.
