Тараптар Қазақстан мен Ресей арасындағы ынтымақтастықтың өзекті мәселелерін талқылады. Таулы Қарабақтағы қалыптасқан жағдайға ерекше назар аударылды.
Қасым-Жомарт Тоқаев Әзербайжан мен Арменияның қақтығыс аймағындағы соғысты және барлық әскери қимылдарды тоқтату туралы келісімге келуінде Ресейдің, соның ішінде Владимир Путиннің ара-ағайындық қызметін жоғары бағалады.
Бұдан бөлек екі елдің Президенттері Қазақстан мен Ресей арасындағы стратегиялық және одақтастық сипатындағы байланыстарды нақтылады.
