Мемлекет басшысына мұнай компаниясының Қазақстандағы қазіргі жүргізіп жатқан жұмыстары мен жобалары баяндалды. Вагит Алекперовтің айтуынша, компания Каспий теңізі қайраңындағы «Жеңіс» және «Әл-Фараби» мұнай жобаларындағы, геологиялық барлау жұмыстарын жалғастырып жатыр.
Бұдан бөлек ол Президентке былтыр Алматы облысында іске қосылған «ЛУКОЙЛ» зауытының жұмысы туралы айтып берді. Бүгінде зауыт әртүрлі жағармай материалының 800-ге жуық түрін өндіріп, экспорттап жатыр. Қасым-Жомарт Тоқаев ресейлік компаниясының мұнай-газ секторын дамытуға қосқан үлесін жоғары бағалады.
