Министрдің сөзінше, жаңа жылдан бастап төменгі жалақы деңгейі 60 мың теңгеге дейін жетеді, 591 мың қызметкердің айлығы өседі. Қазіргі таңда еліміздегі жұмыссыздық деңгейі – 4,9%. Екі қолына бір күрек іздеген азаматтардың 33% жұмысты онлайн іздеген. 26 мың жәрдемақы электронды түрде рәсімделген. Сондай-ақ, биыл 988,8 мың адам атаулы әлеуметтік көмек алған. Серік Шәпкенов әлеуметтік кодекс әзірлеу, зейнетақы жүйесін жаңғырту, кәсіби біліктілікті арттыру мен көші-қон саясаты туралы баяндады. Қасым-Жомарт Тоқаев министрге осы бағыттағы жұмыстарды жүйелі түрде жалғастыруды тапсырды.
