«Байтақ» партиясы өз бағдарламасына барлық өңірлерден келген азаматтардың қалауларын енгізеді. Бұл туралы өткен баспасөз конференциясында айтылды. Онда партия өкілдері еліміздің барлық өңірлерінен келген сайлаушылардың тілектерін тыңдады. Сонымен қатар кандидаттар бүкіл үгіт-насихат кезеңінде атқарылған жұмыстардың нәтижелері туралы баяндап, өңірлердегі кездесулер кезінде халықтың ұсыныстарын ортаға салды. Сондай-ақ пікірталастарда айтылған қарсыластардың ұсыныстарын назарға алды. Олардың барлығын партияның келесі съезіне шығару жоспарланып отыр.
Азаматхан Әміртаев, «Байтақ» жасылдар партиясының төрағасы:- Үгіт-насихат жұмыстарын сайлау науқанында жүргіздік. 15 мың арнайы кездесу өтті. 3,5 мың үлкен жиналыстар өтті халықпен. Кездесу. Болашақта осы жақын арада партиямыздың съезі өткен кезде біз жаңағы бағдарламамызды бекітеміз.
