Қасым-Жомарт Тоқаев Литва Президентіне құттықтау жеделхатын жолдады

Мемлекет басшысы Гитанас Науседаны Литва мемлекеттілігін қалпына келтіру күнімен құттықтады.

Жеделхатта Литва Республикасы бүгінде Еуропа Одағының белсенді мүшесі ретінде өз мемлекеттілігін нығайтып, азаматтарының әл-ауқатын жақсарту жолында едәуір жетістікке қол жеткізгені жазылған.

Президент Қазақстан мен Литва арасындағы дәстүрлі достық пен өзара түсіністік рухында өрістеп келе жатқан қарым-қатынастар халықтарымыздың игілігі үшін ұдайы дами беретініне сенім білдірді. Сондай-ақ Гитанас Науседаның жауапты мемлекеттік қызметіне табыс, достас Литва халқына құт-береке тіледі.