Қазақстан мен Әзербайжан байланысы беки түседі. Екі ел арасындағы тауар айналымы 533 млн АҚШ долларына жетті. Қазақстан Әзербайжанға шикізаттық емес тауарлардың 130 түрін жеткізіп отыр. Енді бұл көрсеткіш одан әрі арта түспек. Үкімет басшысы Олжас Бектенов ресми сапармен Бакуге барып, Әзербайжан Президенті Ильхам Әлиевтің қабылдауында болды. Кездесуде Қасым-Жомарт Тоқаевтың жылы лебізін жеткізді. Ізін ала Әзербайжан Премьер-министрі Әли Асадовпен үкіметаралық келіссөз өткізді. Мұнда сауда-экономикалық ынтымақтастық, көлік-логистика саласындағы өзара іс-қимыл, мәдени-гуманитарлық байланыстарды дамыту мәселелері талқыланды. Кездесу соңында екіжақты бірқатар құжатқа қол қойылды.
