Асқар Мамин қызметінен босатылды
Президент кеңеске қатысушыларға Премьер-министр Асқар Маминнің қызметтен босату жөнінде өтініш бергенін хабарлады. Мемлекет басшысы оның өтінішін қабылдады. Ел Конституциясына сәйкес Премьер-министрдің қызметтен босатылуы бүкіл Үкіметтің өкілеттігін тоқтатқанын білдіреді. Үкімет мүшелері жаңа құрам жасақталғанша, өз міндеттерін атқара береді. Премьер-министрдің міндетін атқару Әлихан Смайыловқа жүктелді. Қасым-Жомарт Тоқаев өз сөзінде инфляцияға жол бермеу атқарушы биліктің басты міндеттерінің бірі екенін, бірақ оның орындалмағанын айтты. «Енді ол Үкіметінің келесі құрамының және министрлер кабинеті жаңа басшысының ең басты міндеті болады», - деді Президент.