Түркістан облысында «Таза Қазақстан» акциясы ұйымдастырылды

Түркістан облысының Созақ ауданында «Таза Қазақстан» акциясы ұйымдастырылды. Аудан тұрғындары «Ысқақ баб» кесенесінің айналасын күл-қоқыс пен қураған шөптен тазартып, киелі мекен аумағындағы шашылған тұрмыстық қалдықтарды жинастырды.«Біз табиғат ананы қорғау үшін, өскелең ұрпақты тазалыққа үйретуіміз керек»,- деді ауыл ақсақалдары.

Жұмағұл Жолдыбайұлы, Шолаққорған ауылының тұрғыны:

- Әркім өз ауласын тазалап, көшелерін таза ұстап, тәртіпке келтіріп отырса, нұр үстіне нұр болар еді. Өйткені бұлар ауылдың әкімшілігіне сеніп алған. «Әкімшілік қашан тазалайды, қашан келіп трактормен алып кетеді», - деп соған иек артып, отырып алған. Талдың арасын тазалап жатқан азаматтарға қолдары дерт көрмесін, рақмет. Таза, әдемі болып қалды.