Сәтбаевта бір күнде 8 тонна қоқыс жиналды

Ұлытау облысы Сәтбаев қаласында бір күнде 8 тонна қоқыс жиналды. Тазалық жұмыстары Жезқазған қаласы мен аудан, ауылдарда да ұйымдастырылған. Жалпы «Таза Қазақстан» науқаны басталғалы өңірде 10 мың түп ағаш отырғызылып, 3 мың тонна қоқыс шығарылды. «Мәдениеттілік тазалықтан, ал тазалық өзімізден басталады»,— дейді ұйымдастырушылар. 

Азамат Ерғали, облыстық энергетика және ТҮКШ басқармасының бас маманы:
-Өздеріңіз білесіздер, облысымызда тарихи ескерткіштер көп, өзен-көлдер мен бұлақтар бар. Солардың маңайларында тазалық жүргізеді. Ал қалалық жерлерде Сәтбаев, Жезқазған ірі қалаларда үйлердің маңайында, көліміз бар, сол көлдің маңайында үлкен жұмыстар жүргізіліп жатыр.