80 жылдардың соңы. Алматы. Бірінші сыныптан дос болған Серік, Берік, Қайрат және Олег мектеп бітіріп, үлкен өмірге қадам баспақ. Олар әлеуметтік жағдайларының айырмашылығына қарамастан қуанышта да, қайғыда да бір-бірінің қасынан табыла білді. Серік – жоғары лауазымды адамның баласы. Қатарластарының көшбасшысы болған Серік кез келген қиындықта достарына қол ұшын беріп, жәрдемдесуден бас тартпады. Ағылшын тілін жетік меңгерген Беріктің әкесі белгілі жазушы. Берік мектептен кейін Мәскеуге оқуға түседі. Инженерлер отбасында дүниеге келген Олег тарихи Отанына оралғанымен туған жерін сағынышпен еске алды. Ал жалғызбасты ана тәрбиелеп өсірген Қайрат бозбала кезінде көп қиындық көріп, талай қателік жасады. Төрт дос отыз жылдан кейін қайта қауышады... 30 жылдан кейін басқосқан достардың өмірге деген әртүрлі көзқарасы оларға кесірін тигізбей ме екен?!
