«Рауза 2 маусым»

Сакураның кегін өз пайдасына шешкісі келген Соня онымен серіктес болуды қалайтынын жеткізеді. Ал Була Раузаға көз тікпек. Сакура қандай шешім қабылдайды? Соня Кешаға қандай талап қояды? 

Сакура Алдардың көмегімен Муркамен кездеседі. Әкесінің өліміне қатысты кек қайтарғысы келген Сакура ақиқатқа жетуді көздейді. Ал досы Буланың былықтары мен сатқындығы жанына қатты батады.  

Сакураға журналисті өлтірді деген айып тағылды. Ол енді бұл істің ақ-қарасын анықтамақ. Өзінің кінәсіз екенін қалай дәлелдер екен?

Кәсіби киллер газеттің бас редакторы мен оның көңілдесінің көзін жоймақ болады. Маңқа Сакураның мейрамханасына келіп, оны кезіктіріп қалады. Кездесу немен аяқталады?

Ескі достар түрмеде кездесті. Сакура Буланы кешірмесе де, барлығын ұмытуға дайын. Дегенмен Болат кек алуды енді ғана бастады. Бұл текетірестің соңы немен бітер екен?

Муханың інісі Сакурадан кек алмақ ойда. Ал Сабина Раузаның тірі екенін естіп, дереу кездесудің амалын жасайды. Бірақ оған Сакура онша қуана қоймайды. Арай мен Сабинаның көздегені не? 

Журналист Жұлдыз Сакураның ізіне түсті. Ол туралы барлық ақпаратты жинау үшін Сакураның қас жауы Муханың баласын да тауып алды. Бұл зерттеудің соңы неге апарар екен? Ал снайпер жігіт Сабинамен жақындасып, сол арқылы Раузаға шықпақ. Жоспары іске асар ма екен? 

Маңқаның жағдайы мәз емес. Кеша бірден іске көшеді. Сакураның өміріне алаңдап, Рауза оның қасында болуға бел буады. Ал Сакураға маңыздысы – Раузаның қауіпсіздігі. 

Кешаның өмірі түбегейлі өзгермек. Сакура өзіне қастандық жасағысы келген киллердің кім екенін сезетін сияқты. Оның ескі досы оған соғыс жариялаған көрінеді. Ал жындыханадағы Маңқаның жағдайы қалай? 

Сакура мен оның отбасына қауіп төніп тұр. Біреулер оның адамдарын бірінен соң бірін өлтіре бастады. Кеша өлім жазасына кесілді. Раузаға не болды? Сакураға кім соғыс жариялады?