Халықты 112 млн теңгеге алдаған қылмыстық топ ұсталды
Маңғыстауда халықты 112 млн теңгеге алдап соққан қылмыстық топ ұсталды. Олар еліміздің әр өңіріндегі тұрғындарды мұнай компанияларының біріне жұмысқа орналастыруға уәде берген. Сондай-ақ төмен бағамен автомобильдер мен жылжымайтын мүлікті сатып алу, сату қызметтерін ұсынған. Қылмыстық топтың 3 мүшесі қамауға алынды. Күдіктілердің тұрғылықты жері мен жұмыс орнына тінту жүргізіліп, заттай дәлелдемелер тәркіленген. Тергеу жалғасып жатыр.
Қуандық Алпыс, ҚР ІІМ Ұйымдасқан қылмысқа қарсы күрес департаменті басқармасының бастығы:
-Қазіргі уақытта топтың үш мүшесі қамауда. Қажетті тергеу шаралары жүргізіліп жатыр. Олар ұйымдасқан қылмыстық топты құрып, оны басқарды және оған қатысты деп айыпталуда.