05:02Эфирде: Телесериал «Братство десанта»
07:00Әрі қарай: «Самопознание»
×

Ескерту

JUser: :_load: Келесі ID-ге ие қолданушыны жүктеу мүмкін болмады: 73
+7 (7172) 757 540
astananews@khabar.kz

Павлодарда ҰОС жәдігерлері орналасқан мұражай жаңғыртылды

Павлодарда ҰОС жәдігерлері орналасқан мұражай жаңғыртылды

Павлодар қаласында «Аталар, ардагерлер, немерелер – із кесушілер» мемориалдық мұражайы жаңғыртылып, келушілерге есігін айқара ашты.

Музейде екінші дүние жүзілік соғыста хабар-ошарсыз кеткендерді табуға құрылған «Қызыл із зерттегіштер» жасағының іздестіру жұмыстары ұсынылған. 

1985-ші жылы ашылған мәдени ошақ жеңістің 70-жылдығына орай күрделі жөндеуден өтті. Оның ашылу салтанатына соғыс ардагерлері қатысты.

Павлодардағы екінші дүниежүзілік соғысының жәдігерлері орналасқан мемориалдық мұражай 1985 жылдың мамыр айында Жеңістің 40-жылдығына орай ашылған еді. Мұнда шайқас алаңында хабар-ошарсыз кеткен жауынгерлердің жеке заттары қойылған. Мәселен, майдан даласындағы жауынгерлердің хаттары мен құжаттары, фотосуреттері, сарбаздардың қарулары мен күнделіктері, ұзын саны 400-ге жуық іздеу жұмыстары мен мыңнан аса жәдігер ұсынылған. 

Людмила Асеева, мұражай жетекшісі 

-Іздеу отрядының ең алғашқы кездері есіме түсіп тұр. Басында өте қиын болып еді. Отрядтағы 45 адамның әрбірі 5-10 адамды іздеп, табуы керек болатын. Алдымен жұмыс жоспарын жасап, із-түссіз жоғалып кеткендердің туыстарымен жолығып, мәлімет жинау қажет еді. Біздер үшін бұл ауыр сын болды. Себебі соғыс алаңына кеткен әрбір сарбаздың ата-анасы, жан-жары, баласы оның қайтадан үйіне оралатынына сеніп, бізден үміт артты.

Мәдени ошақтағы күрделі жөндеу жұмыстары қаңтар айында толығымен аяқталды. Жаңа кейіптегі мұражайға келушілер назарына 9 жаңа экспозиция ұсынылды. 

Әсем Сыздықова, мұражай қызметкері 

-Біздің мұражайымыз Жеңістің 70 жылдығына арналған. Мұнда 9 жаңа экспонаттар бар. Олардың барлығы Павлодар облысының ардагерлеріне арналған. 

Мұражайдың ашылуында сондай-ақ сұрапыл соғыста хабар ошарсыз кеткен майдангерлердің есімі жазылған «Боздақтар» кітабының жаңартылған нұсқасы таныстырылды. 

Авторлары: Ерхан Тәткен, Марат Игіліков, Алексей Омельницкий  

Сондай-ақ...