«Індетпен күрескен Қазақстан»
ХХІ ғасырда адамзат тап болған СOVID-19 коронавирус пандемиясы – әлемдік деңгейдегі аса маңызды сынақ: әлем бойынша жұқтырған адамдардың саны қазірдің өзінде екі миллионға жақындап келеді және өсу жалғасуда. Барлық ел карантин жариялап, оқшаулау режимін және төтенше жағдай енгізуде, экономика зардап шегуде, инфекция құрбандарының саны өсуде. Бұл жағдайдан Қазақстан да тыс қалмады. Алайда Үкіметтің уақытылы қабылдаған санитарлық-эпидемиологиялық шаралары індеттің көлемін қамтуға және халықтың денсаулығы мен мемлекеттің өмірлік функцияларын сақтау үшін қажетті шаралар кешенін жүргізуге мүмкіндік берді. Біздің еліміздің денсаулық сақтау жүйесі тұтастай алғанда індетпен күресуге қабілеттілігін көрсетті, дегенмен кейбір ерекше оқиғалар қоғамда түсінік таба алмай жатыр. Бұл көбінесе жұқпалы аурулармен күресудің мол тәжірибесі, дәстүрлері мен әдістері туралы тарихи білім мен ақпараттың болмауына байланысты. Сондықтан аудиторияға біздің еліміздің эпидемиологиялық қызметі қалай жұмыс істегені және жұмыс істейтіндігі туралы айту қажет.
«Індетпен күрескен Қазақстан» жобасы Қазақстанның санитарлық-эпидемиологиялық қызметінің тарихы, қазақстандық мамандардың дәстүрлері мен жетістіктері туралы қысқаша әрі жан-жақты айтуға бағытталған. Қазіргі уақытта қазақстандық мамандар жаңа коронавирустық инфекцияға қарсы сынақтар мен вакциналарды әзірлеуде, сонымен бірге басқа белгілі жұқпалы аурулардың таралуын болдырмау мақсатында тұрақты ғылыми, профилактикалық және санитарлық-эпидемиологиялық шараларды жүргізуде.
Бағдарлама танымдық сипатқа ие және кең аудиторияға арналады.