Бұл жобаның басты мақсаты - жалындаған жастардың жарқын болашаққа деген талпыныстарын, туған жерге деген шексіз сүйіспеншіліктерін, ел мүддесі үшін қанаттарын кеңге жайып, қажырлы еңбек етуге дайын екендерін көрсету. Бұл телехикаяда туризм мамандығы бойынша білім алып жүрген, мақсат-мүдделері әлі де айқын емес, жеке тұлға ретінде енді ғана қалыптасып келе жатқан, өмірде өз орындарын тапқысы келетін студенттердің өмірі, тәжірибе өту барысында тап болған алғашқы қиындықтары, болашақ маман ретінде жан-жақты сынайтын, төзімділіктері мен шыдамдылықтарын тексеретін сан алуан кедергілерден тұратын түрлі шытырман оқиғалар көрсетіледі.
21 жастағы Қасым атасының өсиетін өміріне ұстаным етіп, туризм саласында жаңалық аша алар ма екен? Шет елден келген Стефаниге Қазақстан қандай әсер қалдырады? Туризм саласындағы студенттердің қызық пен шыжыққа толы оқиға желісін «Хабар» арнасынан бірге тамашалайық.
