V Дүниежүзілік көшпенділер ойындарының басталуына 3 күн қалды

Бүгін ұйымдастырушылар соңғы деректерді жариялады. Ашылу салтанатына билеттер түгел сатылып кеткен. Ал жарыстарға барлығы 89 елден 2 430 қатысушы тіркелген. Мұның ішіне жаттықтырушылар мен спортшылар кіреді. Ойындарда 21 спорт түрі бойынша 97 медаль жиынтығы сарапқа салынады. Медальдардың жалпы саны – 581 дана. Жарыстың жалпы жүлде қоры – 250 млн тг.

Абылай Қондыбаев, V Дүниежүзілік көшпенділер ойындарын дайындау және өткізу жөніндегі Дирекция басшысының орынбасары:
- 7-13 қыркүйек аралығында жарыс күндері көрермендер үшін арнайы шаттл-бастар ұйымдастырылады. Әр күні сағат 8:00-ден 21:00-ге дейін «Астана Арена» стадионы, EXPO және Республикалық Бас мешітте автобустар жанкүйерлерді спорттық нысандарға ақысыз тасымалдайды.