V ДКО: жарыстың екінші күні қалай өтті? LIVE

Қазақстандық көкпаршылар Өзбекстан құрамасын айқын басымдықпен жеңді. Бірінші таймда 8:0 есебімен алға шыққан жерлестеріміз, екінші таймда есепті 16:00-ге жеткізді. Жалпы көкпардан Көшпенділер ойынына 8 елдің командасы қатысып жатыр. Ақтық сайыс 12 қыркүйек күні өтеді. Бүгін біздің ұлттық құрама тағы қандай ойындар бойынша сынға түсті. «Арғымақ» атшабары маңындағы этноауылдан әріптесім Дамир Берікұлы тікелей эфирге шығуға дайын. Жарыстың екінші күні қалай өтті?

Бүгінгі жарыс күні біздің құрама үшін жақсы өтті деуге болады. Себебі көкпардан Өзбекстан командасын ойсырата жеңсек, аударыспақтан бірнеше спортшымыз алтыннан алқа тақты. Жалпы бүгін Қазақстан ұлттық құрамасы көкпар, дәстүрлі садақ ату, жамбы ату, аударыспақ, тоғызқұмалақ, мас-рестлинг, асық ату, кураш, алыш және қазақ күресі бойынша сынға түсті. Ал сайыстар қалай өтті? 

Жалпы Олимпиадамен пара-пар бұл дүбірлі додаға әлемнің 89 елінен 2,5 мыңға жуық спортшы қатысып жатыр. Олар ұлттық спорттың 21 түрінен бас-аяғы 97 медаль жиынтығын сарапқа салады. Ал Көшпенділер ойынының жабылу салтанаты 13 қыркүйек күні дәл осы жерде, яғни «Арғымақ» атшабарының жанындағы этноауылда өтеді. 

Спортшыларымызға алдағы сайыстарда сәттілік тілейміз! Құрметті көрермен, бізбен Көшпенділер ойыны жарыстарынан тікелей эфирге қосылған - Дамир Берікұлы!