Қарағанды облысының белсенділері саябақтар мен көшелерге 3500 түп ағаш екті. Бұдан бөлек жергілікті билік тұрғындарға өз аулаларын көгалдандыру үшін 5 мың түп қарақат көшетін таратты. Облыс аумағындағы 69 заңсыз қоқыс үйінділері жиналып, арнайы полигонға шығарылды.
«Таза Қазақстан» акциясы қоғамда экология мәдениетін қалыптастырып, табиғатты аялауға және патриотизмді нығайтуға тың серпін берді, - дейді өңір халқы.
БЛИЦ-сауалнама:
- «Таза Қазақстан» акциясының басты мақсаты – ол қоршаған ортамызды таза ұстау, экологиялық мәдениетті қалыптастыру деп білемін. Бұл – экологиямызды жақсарту бағытындағы өте үлкен бастама.
- Кез келген елін сүйетін азамат үшін бұл акция өте жақсы деп білемін. Өйткені адамдар жауапкершілікті сезініп, кішігірім болсын қоқыстарын тастамай деген секілді, аулалар да жиналып қалды.
- 1 жыл бойы акция күнделікті жүргізіліп жатқандықтан, ол адамға міндетті түрде ой қалыптастырады. Әрбір нәрсенің басы-қасында адамның өзі тұрғандықтан, тазалық өзінен басталуы қажет.
