Сенат Қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл жөніндегі құжатты ратификациялады. Енді заң жобасы жаппай қырып-жою қаруын таратуды қаржыландыруды болдырмау жөніндегі өзгерістермен толықты. Бұл қаржы ағындарын бақылауды күшейтуге әрі Еуразиялық топқа мүше елдермен халықаралық ынтымақтастық тиімділігін арттыруға мүмкіндік береді.
Мәулен Әшімбаев, ҚР Парламенті Сенатының төрағасы:
- Бұл түзетулер ұйымға мүше мемлекеттердің қаржы жүйелері мен экономикаларын қорғауға бағытталған бірлескен қызметін жетілдіруге арналған. Жалпы заң ФАТФ аясында атқарылып жатқан іс-шаралардың тиімділігін арттыруға мүмкіндік береді деп сенеміз.
