Мемлекет басшысы мұнай-газ саласындағы инвестициялық ахуалды талқылады

Екіжақты кездесуде ресейлік компанияның Қазақстанда жүзеге асырып жатқан жобалары туралы айтылды. Кейін тараптар, мұнай-газ саласындағы өзара ықпалдастықтың келешегі талқыланды. Қасым-Жомарт Тоқаев еліміздің энергетика секторын дамыту ісіндегі «Лукойл» компаниясының үлесін жоғары бағалады.

Қасым-Жомарт Тоқаев, Қазақстан Республикасының Президенті:

- «Лукойл» – біздің стратегиялық инвестициялық серіктесіміз. Қазақстанның Тұңғыш Президенті – Елбасы Нұрсұлтан Назарбаев сіздің компаниямен арадағы ынтымақтастықты дамытуға ерекше мән берді. Біз ұзақ уақыттан бері бір-бірімізді білеміз. Сондықтан осы жемісті ынтымақтастықтың табысты болатыны сөзсіз деп ойлаймын.

Вагит Алекперов, «Лукойл» мұнай компаниясының президенті:

- Біз Алматыда қуаттылығы 100 мың тонналық майлау материалдарын өндіретін зауыт ашамыз. Кәсіпорын жағармай материалдарының барлық түрін, атап айтқанда, 600 өнімді түрлі атаумен шығарады.