Енді жүргізушілер автобустарды күніне екі мәрте тазалап отыруға міндетті. Оларға арнайы жуғыш құралдары, қолғап пен маска берілді. Ал автобустағы бактерияларды өлтіру үшін құрамында хлоры бар «С-01» таблеткалары қолданылады. «Аталған препарат елімізде өндіріледі, сондай-ақ ол 10 литр ертінді жасауға жеткілікті», – дейді мамандар.
Биахмет Біләлов, №1 автопарк басқарма төрағасының эксплуатация жөніндегі орынбасары:
- Адам денсаулығына қаупі жоқ. Ешқандай иіс шығармайды. Жүргізушілер таңертең 2 шөлмек дезинфекциялық ерітіндіден алады. Арнайы қолғап, сүртуге арналған орамалдар бар. Бір рейстен соң, бірден автобус ішін дезинфекциялайды.
