Бұл туралы алғашқы ақпарат 27 қазанда түскен. Сараптама құс тұмауы бар екенін растады. Отандық нарыққа және экспортқа құс өнімдерін шығаратын кәсіпорын қазір карантинге жабылды. «Ондағы 200-ден астам қызметкердің денсаулығы бақылауда», – дейді мамандар. Облыстың бас ветеринарының айтуынша, бұл – өңірде тіркелген алғашқы жағдай. Қырылған құстар өртелді.
Нұртас Қиялбеков, Алматы облысы Ветеринария басқармасының басшысы:
- Осы ауру анықталған ЖШС-да құс өнімдерін немесе құстарды, сонымен қатар жем-шөп қоспаларын алып шығу немесе алып келу жұмыстарының барлығы тоқтатылған. «Алсад-Қазақстан» фабрикасының өнімдері сатылымнан алынып, тиісті шаралар жүргізілді.
