Мұндай шешім Атырау облысының «қызыл аймаққа» енуіне орай қабылданып отыр. Бұл туралы Маңғыстау облысының Бас санитар дәрігері мәлімдеді.
Бекеттен тек көрші облысқа жұмысқа барушы тұрғындар өтеді. Сонымен қатар азық-түлік пен дәрі-дәрмек сияқты әлеуметтік маңызды тауарлар таситын көліктерге рұқсат беріледі.
Жалпы 25 желтоқсаннан бастап Маңғыстауда карантин талаптары күшейтіледі. Себебі вирусты жұқтырған науқастар саны өскен. Осыған байланысты барлық базарлардың жұмысы кешкі 18:00-ге дейін қысқартылады. Сауда, ойын-сауық орталықтары мен кинотеатр жұмысының уақытына да шектеулер қойылады.
Ғазиз Надуев, облыстың Бас санитарлық дәрігері:
– Балаларға арналған шыршалар, корпоративтік кездесулер мен жиындарға қатаң тыйым салынып, бақылауда болады. Және де мына туризм саласындағы қызмет көрсететін қонақүйлер, хостелдар, отельдердің жұмысы бұрын 70-80 процентке шейін рұқсат етілсе, бүгінгі таңда 50 процентке дейін қысқартылады. Және офистік қызметкерлердің, қай сала болсын жұмыскерлердің 70 процентін онлайн режимге көшіру міндеттеледі.