«Террорлық актілер салдарынан адамдардың қаза болуына байланысты Қазақстан Республикасында Жалпыұлттық аза тұту жариялау туралы» Жарлыққа Мемлекет басшысы Қасым-Жомарт Тоқаев 8 қаңтарда қол қойған болатын. Телеарналарда ойын-сауық бағдарламалары 1 күнге тоқтатылды. Тәуелсіз Қазақстан тарихында осымен 11-ші рет қаралы күн жарияланып отыр. Бұл – кейінгі екі жылдағы төртінші аза тұту күні.
