Олардың деструктивті діни ағым өкілдері екені анықталды. Тергеу мәліметінше, күдіктілер жәбірленушіні алдап, жалдамалы пәтерге апарған. Сол жерде электрошокер, сойыл және пышақпен қинаған және барлық әрекеттерін смартфон камерасына түсіріп отырған. Жедел-іздестіру және құрықтау шарасы Ұлттық қауіпсіздік комитеті департаменті қызметкерлерімен бірлесе жүргізілді.
Әйгерім Ибатұллаева, ПД ішкі және сыртқы коммуникация бөлімінің басшысы:- Осы дерек сотқа дейінгі тергеп-тексерулердің бірыңғай тізіліміне 2 бап бойынша тіркелді. Жәбірленушіден ақша бопсалаған күдіктілерге қатысты қылмыстық іс қозғалып, топ мүшелері уақытша ұстау изоляторына қамалды.
