Тұрғын үй құрылысына тапсырыс беруші «Павлодар» әлеуметтік-кәсіпкерлік корпорациясы осы күнге дейін келісімшартқа қол қоймаған. Көпқабатты үйдің құрылысы өткен жылдың желтоқсан айында басталған. Жеке инвестор қаржы бөліп, шығындарды өз мойнына алған. Ал мемлекет тарапынан жер учаскесі бөлініп, инженерлік желілер тартылуы тиіс еді. Бірақ екінші тарап үн-түнсіз. Тапсырыс беруші түсінік беруден бас тартты. Тиісті келісімшарт 10 ай бұрын жасалауы тиіс еді.
Артур Шпейзер, құрылыс компаниясы директорының орынбасары:- Тапсырыс беруші орындалған жұмыстар жөніндегі актіге қол қойған жоқ. Ал жұмыс қызу. Бірнеше қабатты көтеріп қойдық. Нысанды жобалау мен инженерлік желілерді тартуға қатысты да проблема көп. Мәселе шешілмесе, үйді қолданысқа беру мерзімі кешіктіріледі. Асхат Бейсенов, қалалық сәулет және қала құрылысы бөлімінің сектор меңгерушісі:- Нысандардың қай жерде орналасуын алдын ала жоспарлаймыз. Осылайша заңсыз әрі бейберекет құрылысқа жол бергіміз келмейді. Алдағы уақытта кварталды тұрғын үй құрылысына басымдық бермекпіз.
