Осыған орай арнайы бағдарлама да әзірленген. Бағдарламаға сәйкес ауызекі сөйлесуге, оқуға, жазуға баса мән берілмек. Ұйымдастырушылардың айтуынша, үйірме алты ай бойы жұмыс істейді. Қала бойынша қазірдің өзінде 40-қа жуық адам клубқа жазылып үлгерген. Жоба шеңберінде қатысушыларға халқымыздың салт-дәстүрін дәріптеп, домбыра үйрету де жоспарланып отыр.
Ксения Казымова, қала тұрғыны: - Мен үйде баламен отырмын. Қазақ тілін тегін үйрететін клубтың ашылғанын әлеуметтік желіден көрдім. Осы елдің нанын жеп, суын ішіп жүрген соң мемлекеттің тілін білу міндет. Қазақ тілін ептеп білемін, мақсатым – жетік меңгеру.Темірлан Бақтияров, «Жастар рухы» жастар қанаты қалалық филиалының жетекшісі: - Қазір клубқа қызығушылар көп. Күнделікті хабарласып жатыр. Жоба басталғалы шамамен 3-4 күнде бізге 37 адам тіркелді. Жоба алты ай бойы жүргізіледі. Егер жақсы нәтиже берсе, ниет білдірушілер көп болса жалғастыра береміз.
