Демалыс күндері қар аралас жаңбыр жауып, дауыл күшейген. Қатты желден бағаналарға зақым келіп, электр желілері үзілген. Ең көп зардап шеккен Мәртөк ауданы. Мұнда 30-дан астам ауылда жарық сөнген. Қазір соның 10-ы қуат желісіне қосылды, қалған 20-сына әлі күнге берілген жоқ. Аудан орталығының өзінде электр қуаты кестемен, сағаттап беріліп отыр. Жалпы мұндай апат 7 ауданда тіркелген.
