Еліміздің барлық мешіттерінде таңертең айт намазы оқылды. Елордамызда да құлшылық үйлерінің барлығы келушілерге лық толды. Жамағаттың көптігі соншалық біразы сыртта тұрып, ғибадат жасады. Дін қызметкерлерінің айтуынша, Айт мейрамында ағайын-туыстың амандығын біліп, жақыныңды қуантуға асыққан абзал. Көптеген мешіттердің жанында ұлттық ойындардан сайыстар ұйымдастырылып, қайырымдылық шаралары өткізілді.
