Қарағандыда құрылыс компаниясының басшылығы мемлекетке тиесілі жерді заңсыз иемденіп, көпқабатты үй салмақ болған. Заңды белшесінен басқандарға қатысты қылмыстық іс қозғалды. «Негізінен ол жерге саябақ салынуы тиіс еді»,- дейді жер қатынастары бөлімінің мамандары. Бұған дейін осындай олқылыққа жол берген 10 компанияның тізімі жарияланған. Сот әкімдік шағымын қанағаттандырса, салынып жатқан үйлер сүріледі.
Дәурен Шәкенов, қалалық жер қатынастары бөлімінің басшысы: - Қазір аталған үйдің екінші қабаты салынып жатыр. Ал құрылыс компаниясының тиісті құжаттары мен рұқсатнамасы жоқ. Бұл қала меншігіндегі жер. Енді оны құқық қорғау органдары тексеріп, кейін сот тиісті шешім шығарады.
