Көлік министрі Қызылордада мердігерлермен өткен кеңесте осыны жеткізді.
Марат Қарабаев Жезқазғаннан Қызылордаға дейінгі республикалық маңызы бар жолды тексеру үшін сапарға әдейі автокөлікпен шыққан. Бұл аралықтың құрылыс жобасына 6 учаске кіреді. Екі жыл бұрын 67-ші шақырымнан 216-шы шақырымға дейінгі төрт учаскені жөндеу бойынша келісімшарт жасалған еді. Мердігерлер келесі жылы бұл жобаны толық аяқтауы тиіс. Алайда олар биыл мамырда келісім жасаған 2-ші учаске бойынша жобаның құнын ұлғайтуды сұрап отыр. Көлік министрі енді мұндай жымысқы әрекеттерге жол берілмейтінін, келісімшарт бойынша өз жұмысын атқара алмаған мердігерлердің жаңа жобаларға қатыспайтынын ескертті.
